Akuttundervisning tilbyr helsefaglege kurs digitalt som rettar seg mot helsepersonell og studentar og lærlingar innan helsefag.
– Vi veit at våre medlemmar er veldig opptekne av faget sitt, og det er viktig for oss i Fagforbundet å kunne bidra med fagleg påfyll, seier Iren Luther, leiar av yrkesseksjon helse og sosial i Fagforbundet som sjølv er sjukepleiar og hjelpepleiar.
Ho trur Akuttundervisning kan bli eit populært tilbod, både for yrkesaktive og studentar/lærlingar.
– Akuttundervisning har kurs som treff arbeids- og studiekvardagen. Dei er konkrete og anvendelege, og mogleg å gjennomføre i ein travel kvardag, seier Luther.
Står i krevande situasjonar
– Helsepersonell står i kravande situasjonar kvar einaste dag, der gode vurderingar må takast raskt og med tryggleik, seier Fredrik Hoff Nordum, lege og grunnleggjar av Akuttundervisning.
– For oss i Akuttundervisning er det viktig å kunne bidra til fagleg utvikling av helsepersonell og studentar som faktisk gjer ein forskjell i klinisk praksis, og samtidig gi rom for en læringsform som engasjerer og motiverer, fortset han.
Tilgjengeleg no
Tilbodet er tilgjengeleg no. Som medlem i Fagforbundet treng du berre å logge inn på «Medlemsfordeler» på «Min side», og så skrolle ned til overskrifta «Akuttundervisning». Der finn du rabattkoden. Så er det berre å bestille kurs, medlemsskap eller andre produkt på Akuttundervisning.no. Meir informasjon om tilbodet finn du på fagforbundet.no/akuttundervisning.
Gir utteljing i fagstigen
Kurs i regi av Akuttundervisning gir utteljing i Fagforbundets kliniske fagstige. Gjennom fagstigen kan du dokumentere kompetanse du har oppnådd utenfor det ordinære utdanningssystemet, som f.eks. gjennom yrkesrelevante kurs.